قوانين المنتدى لازم تلتزم بيها

اولا - امتى التوبيك هيتحذف :
1- لما يكون التوبيك مكرر , و مش معنى كده انه مينفعش تتكلم فى فكرة حد قبلك اتكلم فيها
لا اتكلم بس اتناقش فيها من وجهة نظر مختلفه
2- لما يكون توبيك سطحى و تافه
شغلك ومجهودك هو الي هيثبت

لازم التوبيك يبقى موضوعى بيناقش فكرة معينه او على الاقل فى وجهة نظر بيتكلم فيها
3- التوبيك السطرين و نص , مينفعش يا جماعه ابدا توبيك عبارة عن سطرين , فى حاجة مهمة شدت انتباهك اتكلم فيها و حاول تعبر عن رأيك و رأى اللى حواليك



4-حلو انك تعبر عن رايك وجمييل انك تحااول تنصح انسان انت بتحبه
بس اسلوبك هو الي هيفرق في النقد وهو الي هيوضح انت عايز تقول ايه



ثانيا - امتى التوبيك يتثبت :
توبيكات موضوعيه
لما تتكلم فى موضوع من كل وجهات النظر و تناقشه كويس , لازم تتخيل نفسك مكان كل واحد

خبر عايز تعلق عليه - خبر جديد و عايز تعرف رأى الاعضاء
وعلى فكرة
ليكم الحق تقولوا رأيكم وتثبتوا معانا زيكم زينا بالضبط
لو فى توبيك شفته وعجبك وشايفه يستحق التثبيت
ابعتلنا علطول رساله خاصه
واكتر توبيك حتيجى عليه ترشيحات اكيد حيتثبت
ولو حصل تفاعل منكم بجد مش بعيد تلاقو المثبت كله ليكم

وصندوق الرسايل فاضى ومستنيكم
فى ديمقراطيه كده فالدنيا لا لا

ثالثا - الممنوعات :
و لما بنقول ممنوع يعنى فى كل الاحوال مش هنقبل بيه


2- احنا كلنا اخوات فى القسم , يعنى لازم نتعامل مع بعض بأسلوب مهذب و راقى
اى كلام بأسلوب مش لائق او خناقه هيتحذف
3- ممنوع طبعا اللينكات الخارجية لأى مواقع تانيه
4 - من فضلكم مانفتحش مواضيع في الدين او السياسة علشان ماحدش يقول كلام مش كلامه
ممكن نعبر عن رأينا فى كل ده فى قسم اسلاميات ولو كنا بنحبها